Ofendiditxs SA

Ofendiditxs SA

A transversalidade non se ofende, deféndese para que todas entremos ledas e satisfeitas nela

mucha gente se manifiesta con carteles de #BlackLivesMatter

Manifestación #BlackLivesMatter. / Foto: Flickr de Socialist Appeal

Hai quen pensa que as opresións son inventadas, froito de complexo de vítima se cadra ou brazo de lobby exercendo o seu poder. E xa se sabe que se non podes contra o inimigo, deberías unirte a el. Porque quedou demostrado que si, que máis aló dos cancelos #MeToo e #BlackLivesMatter hai innumerables casos e todo un movemento social de apoio.

Se estás no mundo dixital xa verías que poucas marcas quedaron sen facer o #BlackOutTuesday publicando nas súas canles unha imaxe en negro como sinal de rexeitamento ó racismo en Estados Unidos. Esas mesmas marcas, institucións e mesmo persoeiros que, por unha parte intentan instrumentalizar a diversidade, só admiten a que supón un aumento da súa vaidade en redes sociais.

suscribete al periodismo feminista

Mentres funden a negro a súa imaxe dixital seguen a infravalorar as capacidades das persoas con diversidade funcional, a discriminar inmigrantes polo seu acento á hora de falar o seu idioma ou a outorgar carnés de rexistro de sexo. Pásalle as persoas-empresa tamén. Nestes tempos tivemos que escoitar a autoras de vendas masivas de libros de ciencia ficción para adolescentes e mesmo a políticas de partidos de esquerdas determinar o que é ou non unha muller, achegando os seus argumentos ó ideario de Ofendiditxs SA.

Como se pertence a esta sociedade anónima? Cumprindo dúas normas. A primeira, respectando as diferenzas básicas e recentemente recoñecidas, pero sen pasarnos. A ver, que se hai que ter a un rapaz en adopción, se os únicos pais nese momento son unha parella de homosexuais… que lle imos facer. Pero como un pai e unha nai, non hai. Con isto claro, en segundo termo marcamos como ofendiditx calquera outra característica que poida provocar de xeito inequívoco unha desigualdade: trans, bisexuais, depresivxs, xente que usa “x” en lugar de desinencia de xénero, e un longo etcétera de minucias.

Nesta sociedade os dereitos concíbense como unha tarta da que queres levar a maior porción, claro. Para conseguir esa maior porción hai que loitas (imaxes bélicas sempre en mente). Veredes, máis dereitos para o lobby gay -nin me fales desa amalgama de siglas á que cada día suman unha letra nova- vai supoñer que o pink power esnaquice os meus.

Certamente, cando se comeza no activismo quítanse moitas peles e engádense moitas lentes. Se poñemos anteollos negros e reivindicamos que todas as vidas importan, non podemos mirar cara outro lado respecto a outras desigualdades. Se deixas entrar loitas como o feminismo ábrese unha porta de paso cara os corpos diversos, cara o antiespecismo, cara a igualdade en todos os ámbitos, e máis que irás descubrindo coa implicación como guía. E a transversalidade non se ofende, deféndese para que todas entremos ledas e satisfeitas nela.

 

El Salto&Pikara Magazine
Este contenido ha sido publicado antes en la edición en papel de www.elsaltodiario.com en el marco de un acuerdo de colaboración que tenemos con ellas
Download PDF
master violencia de género universidad de valencia

Artículos relacionados

Últimas publicaciones

ayuda a Gaza
Download PDF

Título

Ir a Arriba