As bicicletas non son para a primavera feminista Opinión, Veus-Ahotsak-Vozes

Mentres na tenda adaptaban boamente aquel primeiro xoguete aos meus case trinta anos, a miña mente tivo que adaptarse tamén aos primeiros comentarios non pedidos sobre a ousada incursión ciclista. “Mira ti que cousa rara, unha muller cunha bicicleta de estrada”

Era un paisano xa dunha quinta, pendente dunha pequena circulando a toda velocidade nunha bicicleta que non daba arranxado ao seu tamaño. O vendedor, aliviado polos cartos pero tamén pendente de posibles desperfectos provocados por ese remuíño sobre rodas. Rapidamente tirei da relación de avó e neta. El elexiu o modelo, se ben ela apostara firme polo rosa -tampouco percibín maiores opción cromáticas-. Eu, case tan emocionada, a piques de adquirir a miña primeira bicicleta de competición. Unha Orbea talla S de home, porque seica o mercado de muller non ten movemento, así que tiven que apañar “co que hai”, aínda que non se fixera á miña xeometría ao 100%.

Mentres na tenda adaptaban boamente aquel primeiro xoguete aos meus case trinta anos, a miña mente tivo que adaptarse tamén aos primeiros comentarios non pedidos sobre a ousada incursión ciclista. “Mira ti que cousa rara, unha muller cunha bicicleta de estrada”. O desdén do avó que estaba a mercar para a súa neta dialogaba co baleiro e ao mesmo tempo con todas as persoas que alí estabamos.

Non xulguen ao avó, nunca lle puxeran diante dos ollos a unha ciclista, xa que as dúas rodas semellan encaixar soamente coa virilidade e unha azafata a cada lado. Poderíamos restarlle importancia a ese comentario, á falla de equipación deportiva, ós saúdos pegañentos -ou inexistentes- doutros compatriotas de pedal, a que os premios sexan desiguais segundo sexo, pero… lembremos que MARCA segue a ser o xornal máis lido segundo o Estudio General de Medios. Ignoraremos entón as mensaxes que se transmiten a través do deporte?

O deporte non é só a portada deste xornal, por moito que o cristianoronaldismo acaparara a meirande atención sobre este eido e deixara de lado a súa vertente formativa, didáctica e empoderadora. A filosofía e a ética sobre o deporte, incluíndo o afeccionado, axudarán a unha inclusión da igualdade na raíz do foco mediático, porque chama a atención que en plena primavera feminista, cun 8M revelador ou con movementos feministas globais como #MeToo -por aportar dúas mostras significantes- persista a idea de que as bicicletas non son para esta nova estación que está a florecer para as mulleres e a diversidade.

As bicicletas non son para a primavera feminista
0 votes, 0.00 avg. rating (0% score)

¿Quieres debatir en un espacio tranquilo, seguro y libre de (machi)trols? Vente al foro de debate de Pikara Magazine

Periodista. Tributo al Estado como asesora de comunicación realizando cobertura informativa para instituciones y empresas privadas. Fuera de horario laboral escribo sobre cultura, género y teoría queer. http://www.gepuntovilarinho.com/

    Uso de cookies

    Nosotras también hemos sucumbido a las cookies y eso que no son de chocolate. Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

    ACEPTAR
    Aviso de cookies